Ажәабжьқәа

Популярное

Аҟәа ақалақь аҭеиҭыҧш – амшхәаҧштә зҵаароуп

2049
19.02.2020 13:47
Аҟәа ақалақь аҭеиҭыҧш – амшхәаҧштә зҵаароуп
Аҟәа ақалақь ахада инапынҵақәа назыгӡо ақалақь далсны аҭагылазаашьа гәеиҭеит.

Аҟәа. Жәабранмза 19. Аҧсныпресс. Аҳҭнықалақь ахада инапынҵақәа назыгӡо Кан Кәарҷиа ақалақь аҭеиҭыҧш арҽеира иазкны еиҭашьақәыргылаз аобиектқәеи аусурақәа рынагӡара ахьазҧзьагәаҭоу аҭыҧқәеи дрылсны игәеиҭеит. Абри атәы аанацҳауеит аҳҭнықалақь Ахадара аофициалтә саит.

Кан Кәарҷиа Кьиалашәыртәи ацҳа азааигәареи, аџьармыкьа хада азааигәареи иҟоу автобусқәа раангыларҭақәа рҭагылазаашьа гәеиҭеит. Аҳҭнықалақь ахада инапынҵақәа назыгӡо ишазгәеиҭаз ала, еиҭашьақәыргылоу аангыларҭа – Кьалашәыртәи ацҳа азааигәара иҟоу амыдаҕьцәа асахьа змоу аангыларҭа уажәы анормақәа ирықәшәо иҟалеит. Ахәҭакахьала, амозаикатә панно ареставрациа азуп, аангыларҭа иацу апассаџьырцәа ршәарҭадара алзыршо аҭыҧқәа рҭеиҭыҧш рҽеиуп, аангыларҭа ааигәа-сигәа еилыргоуп. “Ижәытәу, акыр иаҳзаҧсоу зегьы излалшо ала пату ҳзақәзароуп”, – ҳәа иҳәеит Кан Кәарҷиа.



Кан Кәарҷиа иҟаиҵаз адыррақәа рыла, аҳҭнықалақь Ахадара Гәымтәи амҩаду уахьналало иҟоу апанно аиҭашьақәыргылареи, иара убас, авокзал азааигәара игылоу ауаажәларратә транспорт аангыларҭа, ааигәа еиҭашьақәыргылахо адгьыл аҵатәи аиасырҭа иазааигәаны аиагареи азҧхьагәаҭаны иамоуп. Аҟәа ақалақь Ахадара атранспорттә усбарҭа анапхгаҩы Ҭемыр Абҕаџь иажәақәа рыла, уи ишәарҭоу амҩа ахәҭа  аҿы аиасра зҽазызшәо ауаа ршәарҭадара азы ауп изыҟаҵахо.

Иара убас, Кан Кәарҷиа Гәымтәи амҩеи аҳабла Ҿыц уахьналало Ешба имҩеи реихысырҭаҿы днеины ҳаамҭазтәи астандартқәа зегьы ирықәшәо аангыларҭа ҿыц аргылара ахьазҧхьагәаҭоу аҭыҧ гәеиҭеит. Ҭемыр Абҕаџь иҟаиҵаз адыррақәа рыла, араҟа аусурақәа акурорттә аамҭахәҭа алагара аламҭалазы ихыркәшахароуп.



Иара убас, аҳҭнықалақьтә авариатә маҵзура “Аӡыканал”, аусзуҩцәа, ишьақәгылаз аҧхарра рхы иархәаны, ацәцарақәа рырҽеира иаҿуп. Аспециалистцәа ражәақәа рыла, ацрыӡмҩангагақәа ирҭачыз агәам аҟынтәи ррыцқьара ақалақь зегьы ӡыла аиқәыршәара аанкыларада изалмыршахеит. Аҵеиџьқәа ррыцқьара иазкыз аусурақәа хацыркын Инал-иҧа амҩадууи Гәылиа имҩадууи реихысырҭа аҟынтәи, анаҩс Калмыков имҩадууи Басариа имҩадууи рҟынӡа. Мышкала мҽхакы ҭбаала аусура мҩаҧган. Аусуцәа напыла мацара ацрыӡмҩангагақәа рҟынтәи агәам-сам ҭыргон. Аусурақәа ирылахәын акымкәа-ҩбамкәа абригадақәа. Амуниципалтә унитартә Наплакы “Аҟәа ақалақь Ахадара аиҭашьақәыргылара-ргыларатә Усбарҭа” абригада  Инал-иҧа имҩеи Маҷавариани имҩеи реихысырҭаҿы аус ауан, егьи абригада Омар Бегәуа имҩаду аҿы 500-метра инаӡо аӡымҩангага ацәцара ақәгара иаҿын. Амуниципалтә унитартә Наплакы “Аӡыканал” анџьныр хада Мираб Анқәаб иажәақәа рыла, аҳҭнықалақь ауааҧсыра рҟынтәи аӡымҩангагатә цәцарақәа рырҽеиразы азыҳәамҭақәа рацәаны ироуеит, убри аҟнытә ақалақь аҿы  авариақәа ахьыҟалаз аҭыҧқәа зегьы рҿы шьаҿа-шьаҿала аусурақәа мҩаҧысуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа