Ажәабжьқәа

Популярное

Аҟәа – 2502 шықәса ахыҵит!

292
08.07.2018 23:40
Аҟәа – 2502 шықәса ахыҵит!
Аҳҭнықалақь Ахадара Аҟәа ақалақь Амш инамаданы аныҳәатә усмҩаҧгатәқәа еиҿнакааит.

Аҟәа. Ҧхынгәымза 8. Аҧсныпресс. Дырмит Басариа. Аҧсны аҳҭнықалақь аҿы, Аҟәа ақалақь 2 502 шықәса ахыҵра инамаданы аныҳәатә усмҩаҧгатәқәа мҩаҧысит.

Ақалақь Амшныҳәа ахәыҷқәа рзы арлахҿыхратә интерактивтә шоу ала ихацыркхеит. Уи ахәыҷтәы театралтә студиа “Арлекино” ацхыраарала еиҿнакааит Аҟәа ақалақь Ахадара аҵарадырра аҟәша.



Аҳҭнықалақь аҵарадырра аҟәша аиҳабы Лиудмила Адлеиба аусмҩаҧгатә ахықәкы далацәажәеит: “Ақалақь Амш аҽны ҳара ҷыдала ахәыҷқәа ахшыҩзышьҭра рыҭазарц ҳаӡбеит, избан акәзар урҭ рықалақь ахь абзиабара рылааӡара хымҧадатәиуп. Ахәыҷқәа-ҧхьаҟатәи ҳҧеиҧш зызку роуп, урҭ роуп ҳара ҳаамышьҭахь ари ақалақь аҿы инхало”.

Аҟәатәи ацхыраагӡатә школ адиректор, ахәыҷтәы театралтә студиа “Арлекино” анаҧхгаҩы Викториа Таркил лажәақәа рыла, аусмҩаҧгатә иалахәуп ахореографиатә ансамбль “Ахәыҷра адунеи”. “Ахәыҷқәа акәашареи, еиуеиҧшым аконкурсқәеи, шәагаала ауаҩы иаҟароу акьанџьақәа ркарновали зцу аинтерактивтә концерт мҩаҧыргоит”, – ҳәа илҳәеит Викториа Таркил.

Анаҩс аныҳәамш аҧсуа естрада артистцәа злахәыз аконцерт ала иацҵан. “Раҧхьаӡа акәны, ақалақь Амш азгәаҭара иазку аконцерт Диаскуриа абааш аахыжәжәарақәа рҿы имҩаҧгахоит. Аконцерт ахьымҩаҧгахо аҭыҧ алхра машәыршақә иҟамлеит, избан акәзар, ари ҳақалақь аҿы иҟоу ажәытә Диоскуриа зегьы реиҳа ижәытәӡатәиу архитектуратә ргыламҭақәоуп”, – ҳәа инаҵшьны иазгәалҭеит аҳҭнықалақь Ахадара акультура Аусбарҭа анаҧхгаҩы Наала Ҳашыг.



Аконцерт амҩаҧгара аҳәаақәа ирҭагӡаны, ақалақь аҭоурых ахь аекскурс мҩаҧган. Асцена аҿы еицырдыруа аҧсуа жәлар рашәақәа рнаҩс, раҧхьаӡа акәны Аҟәа ақалақь иазкны ашәа нарыгӡеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа