var _ba = _ba || []; _ba.push(["aid", "09660acced7930fc288966bc3ec915ee"]); _ba.push(["host", "apsnypress.info"]); (function() {var ba = document.createElement("script"); ba.type = "text/javascript"; ba.async = true;ba.src = (document.location.protocol == "https:" ? "https://" : "http://") + "bitrix.info/ba.js";var s = document.getElementsByTagName("script")[0];s.parentNode.insertBefore(ba, s);})();
Ажәабжьқәа

Популярное

2017 шықәсазы Аҧсны Аҳәынҭқарратә биуџьет рыдыркылеит

134
29.12.2016 14:09
2017 шықәсазы Аҧсны Аҳәынҭқарратә биуџьет рыдыркылеит
Аҧсны Жәлар Реизара-Апарламент аилатәара актәи аҧхьараҿы “2017 шықәсазы Аҧсны Аҳәынҭқарратә биуџьет азы” Азакәан апроект рыдыркылеит.

Аҟәа. Ҧхынҷкәын 29. Аҧсныпресс. Елена Полуиан. Азакәан апроект адгалара мҩаҧго, аҧыза-министр ихаҭыҧуаҩ, афинансқәа рминистр Дмитри Сериков ахыҧхьаӡаратә рбагақәа ааигеит. Уи иҟаиҵаз адыррақәа рыла, 2017 шықәсазы абиуџьет апроект инақәыршәаны, аарыхратә аалыҵрбагақәа 88, 80 млрд. мааҭ рҟынӡа инаӡароуп. Еизаку ахашәалахәқәа 0,7 процент рыла еиҵахоит. Урҭ 10 158 млн. мааҭ рынӡа инаӡоит. Убри аан, Дмитри Сериков ишазгәеиҭаз ала, ирыдыруло абиуџьет 2016 шықәсатәи абиуџьет иаҿырҧшны уахәаҧшуазар, уи ахатәы хашәалахәытә ҟәша 9,5 процент рыла еизҳауеит.

Раҧхьаӡа акәны ахатәы хашәалахәы 50 процент иреиҳахоит, уи 54 процент рҟынӡа инаӡоит. Аныхтәқәа ракәзар, урҭ Ареспубликатә биуџьет апрjект аҿы 10 191 млн. мааҭ рҟынӡа инаӡоит. Абиуџьет адефицит 33 миллион мааҭ рҟынӡа инаӡо аҩаӡараҿы иалкаауп.

Ахәҭакахьала, абиуџьети, акредиттә еиҿкаарақәеи ашәахтәқәеи афинанстәқәеи рзы апарламенттә Еилакы ахантәаҩы Гьаргь Агрба иҟаиҵаз адыррақәа рыла, абиуџьет апроект Аилак инарҭбаау аилатәараҿы заанаҵы иалацәажәан, анаҩс, азгәаҭарақәа рыла ахарҭәаара анымҩаҧыс ашьҭахь, Азакәан апроект ахәаҧшразы Апарламент аилатәара ахь инаган.

Азакәан апроект дахцәажәо, адепутат Ахра Бжьаниа Аҧснытәи аҳәынҭқарратә Университет аудиториақәа техникала аиқәыршәареи, иара убас, акинотеатр аргылареи афинанстәра иазырхоу ахарџь абиуџьет алагаларазы ажәалагала ҟаиҵеит. ”Ас еиҧш афинанстәра абиуџьет алагаларазы ажәалагала ҟасҵоит, избан акәзар усҟан ҳара апроектқәа рынагӡара шалыршахо агәра ҳгартә иҟалоит”, – ҳәа иҳәеит Ахра Бжьаниа.

Убри аан, аҧыза-министр ихаҭыҧуаҩ Беслан Ешба, ААУ имҩаҧысуа аиҭашьақәыргыларатә усурақәа зегьы 2017 шықәса актәи азыбжазы рхыркәшара азҧхьагәаҭаны иҟоуп, «усҟан ҳара аудиториақәа техникала реиқәыршәара азҵаара ахь ҳаиасыр алшоит» ҳәа азгәеиҭеит.

Дмитри Сериков адепутат иҟаиҵаз ажәалагала далацәажәеит: “абиуџьет иашьашәалоу аиҭакрақәа ралагалара актәи аҧшьбарактәи аусура алҵшәақәа рыла имҩаҧысыроуп”.

Адепутат Кан Кәарҷиагьы ажәалагалакәа ҟаиҵеит. Ахәҭакахьала уи Ҭҟәарчалтәи аџьармыкьа, ахәыҷбаҳча, иара убас, араиони уи ахадареи еимыздо амҩаду реиҭашьақәыргылара азҵаара шьҭихит. Азҵаарақәа рҭак ҟаҵо, Беслан Ешба, Ҭҟәарчал араион аҿы амҩадуи атәылаҿы ахәыҷбаҳчақәеи реиҭашьақәыргылара азҧхьагәаҭоуп ҳәа азгәеиҭеит. Иара убас, уи иажәақәа рыла, ҭҟәарчалтәи ахәышәтәырҭа аиҭашьақәыргыларазы ахарџьынҵа ашьақәыргылара иазырхоу аусура мҩаҧысуеит. Иара убас, аҧыза-министр ихаҭыҧуаҩ, аӡиас Ԥсоу ала аҟәара арҕәҕәареи аӡымҩахгагеи Гагра араион аҿы аӡымҩангара шәыра реиҭашьақәыргылареи иадҳәалоу аусурақәа рымҩаҧгаразы аҧаратә хархәагақәагьы азҧхьагәаҭоуп ҳәа адырра ҟаиҵеит.

Абиуџьет аҩбатәии ахыркәшаратәии аҧхьарақәа рҿы ирыдыркылеит. Убри аан, имҩаҧгаз абжьыҭира аӡәы иҽалаимырхәӡеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа