Ажәабжьқәа

Популярное

2016 ашықәс азы аҳәынҭқарратә биуџьет алацәажәара мҩаҧысит

496
17.08.2015 15:53
2016 ашықәс азы аҳәынҭқарратә биуџьет алацәажәара мҩаҧысит
Рауль Ҳаџьымба 2016 ашықәс азы аҳәынҭқарратә биуџьет аиқәыршәара иазкны аусуратә еилатәара мҩаҧигеит. 

Аҟәа. Август 17. Аҧсныпресс. Аилатәараҿы иааиуа ашықәс азы аҳәынҭқарратә биуџьет ашьақәгылара апроцесс иалацәажәеит. Афинансқәа рминистр Амра Қәаранӡиаҧҳа аилатәара алахәылацәа аус адулара аетап аҿы иҟоу атәыла афинанстә усшәҟәы хада азы адыррақәа рыдылгалеит.

Иара убас, аҳәынҭқарратә мазара еффективла ахархәара азҵаара шьҭыхын. Иаагозар, Аԥсны Ахада аҳәынҭқарратә мазара қьырала рыҭара ахәҧса аџьармыкьатә еизыҟазаашьақәа инарықәыршәаны еиҭарыхәаҧшызарц ажәалагала ҟаиҵеит. Атауарқәа аҧсуа-аурыс ҳәаа рахгареи урҭ рахьтә аҳазылхратә шәахтә алгареи азҵаарагьы иалацәажәан. 

Аҳәынҭқарра Ахада уи азы аҭакҧхықәра зду август 30 2015 шықәсанӡа абиуџьет инагӡоу апроект идыргалараны ишыҟоу ргәалаиршәеит. Аилатәара рхы аладырхәит: аҧыза-министр Артур Амқәаб, аҧыза-министр ихаҭыҧуаҩ Дмитри Сериков, Аҧсны Ахада Иусбарҭа ахада ихаҭыҧуаҩ Асҭамыр Аппба, афинансқәа рминистр Амра Кәаранӡиаҧҳа, аекономика аминистр Адгәыр Арӡынба, ашәахтәқәеи аизгақәеи рминистр Рауф Цымцба, аҳазылхразы Аҳәынҭқарратә еилакы ахантәаҩы Даур Кобахьиа, аҳәынҭқарра Ахада ибжьагаҩ Амиран Лагәлаа. 

 Ахыҵхырҭа: Аҧсны Ахада иофициалтә саит

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа