Ажәабжьқәа

Популярное

17-ҩык аҧснытәи ашкохәыҷқәа Кремльтәи Ахан аҿы ашықәсҿыцтәи аныҳәа иаҭаауеит

431
03.12.2019 10:28
17-ҩык аҧснытәи ашкохәыҷқәа Кремльтәи Ахан аҿы ашықәсҿыцтәи аныҳәа иаҭаауеит
Аҧсны аҵара Аминистрра абар шьҭа 16 шықәса инеиҧынкыланы Москва ақалақь имҩаҧысуа, Кремльтәи аҧсаҵла ҳәа изышьҭоу ашықәсҿыцтәи аныҳәа аҭаара еиҿнакаауеит.

Аҟәа. Ҧхынҷкәынмза 3. Аҧсныпресс. Аманда Касланӡиаҧҳа. Аҧснытәи ашколқәа рҟынтәи аҵаҩцәа Москватәи Кремль аҿы имҩаҧгахо аныҳәаҿыцтәи аусмҩаҧгатә иаҭаауеит. Абри азы адыррақәа Аҧсныпресс ахь иааицҳаит Аҵара Аминистрра апресс-маҵзура аиҳабы Аслан Қәыҭелиа.

Аслан Қәҭелиа иҟаиҵаз адыррақәа рыла: “Ҧхынҷкәынмза 23-28 рзы аҧснытәи ашколхәыҷқәа Урыстәылатәи Афедерациа Апрезидент Иусбарҭа ааҧхьарала, Кремльтәи Ахан аҿы еиҿкаахо ихадоу ашықәсҿыцтәи аныҳәа иаҭаараны иҟоуп.  Москва ақалақь имҩаҧысуа, Кремльтәи аҧсаҵла ҳәа изышьҭоу ашықәсҿыцтәи аныҳәа ахь ицоит ареспублика араионқәа зегьы рҟынтәи ахәыҷқәа. Уи – зматериалтә ҭагылазаашьа уадаҩу аҭаацәа рҟынтәи аҳәыҷқәа, зҵараҿы аихьӡарақәа аазырҧшыз аҵаҩцәа, активистцәа, аспортсменцәа, аолимпиадақәа рҿы аиааира згаз роуп”.

Аслан Қәҭелиа иажәақәа рыла: “Аҧсны аҵара Аминистрра абар шьҭа 16 шықәса инеиҧынкыланы Москва ақалақь имҩаҧысуа, Кремльтәи аҧсаҵла ҳәа изышьҭоу ашықәсҿыцтәи аныҳәа аҭаара еиҿнакаауеит. Ахәыҷқәа Кремльтәи аҧсаҵла адагьы, еиуеиҧшым аекскурсиақәеи Цветнои бульвар иҟоу Никулин ицирки иаҭаауеит. Иҳаҩсыз ашықәса азы Москваҟа ицеит 12-ҩык ахәыҷқәа, сынтәа 17-ҩык уи азы алшара роуеит. Ахәыҷқәа ахылаҧшра бзиа роуеит, избан акәзар аҧснытәи аделегациа иацны Москваҟа ицоит аҵара Аминистрра, аҩныҵҟатәи аусқәа Рминистрра, агәабзиарахьчара Аминистрра ахаҭарнакцәа”, – ҳәа иҳәеит иара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа