Ажәабжьқәа

155 Аҧснытәи ашколқәа рҿы аҵыхәтәантәи аҵәҵәабжьы геит

166
24.05.2019 12:30
155 Аҧснытәи ашколқәа рҿы аҵыхәтәантәи аҵәҵәабжьы геит
Сынтәа Аҧсны ашколқәа ирылгеит 1 886-ҩык аҵаҩцәа.

Аҟәа. Лаҵарамза 24. Аҧсныпресс. Ҭамара Ачҧҳа. Иу. Н. Воронов ихьӡ зху Аҟәатәи абжьаратәи ашкол №3 иалгеит 31-ҩык ахәыҷқәа. Аушьҭымҭацәа дрыдныҳәало, ашкол адиректор Маиа Пагава, 31-ҩык аушьҭымҭацәа рҟынтәи 26-ҩык аҳәынҭқарратә ҧышәарақәа рыҭирахьы ишынашьҭу азгәалҭеит. Урҭ рахьынтә хә-ҩык заанаҵы аҧышәарақәа рҭиихьеит, избан акәзар аиубилеитә 15-тәи ашколхәыҷқәа рыспартакиада иалахәын.



Маиа Пагава аушьҭымҭацәа қәҿиарақәа аҧышәарақәа рыҭииреи, аҭаацәа  рхәыҷқәа рықәҿиарақәа рылагәырҕьареи рзеиҕьаршьеит. Иара убас, ашкол адиректор арҵаҩцәеи акласс напхгаҩцәеи рџьааба азы ҭабуп ҳәа ралҳәеит.

Урыстәыла аусеицура Ахаҭарнакра аганахьала ашкол аушьҭымҭацәеи урҭ рҭаацәеи дрыдныҳәалеит Владимир Панкратов: “Ахәыҷқәа зегьы амҩа иаша алырхыртә еиҧш аҭагылазаашьа рзеиҕьасшьоит, уажәазы аҧышәарақәа рҽазыҟарҵалароуп. Ихадоу ҧҟараны иҟоуп – ибзианы аҵара зҵо, уи иҧсҭазаараҿгьы зегьы маншәалахоит. Ари шәыҧсҭазаараҿы иреиҕьу аамҭақәоуп. Ашкол аамҭахәҭа нҵәеит, уи иаанаго доусы ихатәы амҩа, изаанаҭ алихыроуп. Шәадныҳәалаз иахьатәи амшныҳәа, мҩамш!”



Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа