Ажәабжьқәа

11 категориа ирыҵанакуа атәанчаҩцәа 10 нызықь мааҭ рҟынӡа инаӡо зныктәи ашәатәы раиура иалагеит

135
01.08.2019 18:42
11 категориа ирыҵанакуа атәанчаҩцәа 10 нызықь мааҭ рҟынӡа инаӡо зныктәи ашәатәы раиура иалагеит
Ареспублика иахьаҵанакуа имҩаҧгахо ашәатәы азеиҧш шәагаа 51 миллиони 550 нызықь мааҭи рҟынӡа инаӡоит.

Аҟәа. Нанҳәамза 1. Аҧсныпресс. Лана Ҵәыџьҧҳа. Аџьеи, аусура напалакреи, асоциалтә еиқәыршәареи рзы Аминистрра, атәанчахәи ҧарала ацхыраареи Русбарҭа анапхгаҩы Анжела Ҷыҭанаа Аҧсныпресс акорреспондент диҿцәажәо зныктәи ашәатәы рызшәара шымҩаҧысуа атәы еиҭалҳәеит.

“Аминистрцәа Реилазаара иаднакылаз Ақәҵара инақәыршәаны, нанҳәамза 1, 2019 шықәса инаркны 11 категориа ирыҵанакуа атәанчаҩцәа 10 нызықь мааҭ рҟынӡа инаӡо зныктәи ашәатәы раиура иалагоит. Ареспублика иахьаҵанакуа имҩаҧгахо ашәатәы азеиҧш шәагаа 51 миллиони 550 нызықь мааҭи рҟынӡа инаӡоит. Зныктәи аҧаратә цхыраара зауа атәанчаҩцәа рхыҧхьаӡара 5 нызқьи 155-ҩык рҟынӡа инаӡоит”, – ҳәа адырра ҟалҵеит Анжела Ҷыҭанаа.

Зныктәи аҧаратә цхыраара зауа атәанчаҩцәа ркатегориақәа:
1. Аџьынџьтәылатәи еибашьра Дуӡӡа иалахәыз;
2. Аџьынџьтәылатәи еибашьра Дуӡӡа I, II, III агәыҧ иаҵанакуа аинвалидцәа;
3. Аџьынџьтәылатәи еибашьра Дуӡӡа аҿы иҭахаз рҭаацәа;
4. Аҧсны Аџьынџьтәылатәи еибашьра I, II, III агәыҧ иаҵанакуа аинвалидцәа;
5. Аҧсны Арбџьармчқәа аинвалидцәа-арезервистцәа;
6. Ихымҧадатәиу арратә маҵзура I, II, III агәыҧ иаҵанакуа аинвалидцәа;
7. Аҧсны Аџьынџьтәылатәи еибашьра аҿы иҭахаз рҭаацәа;
8. Иҭахаз Аҧсны Арбџьармчқәа арезервистцәа рҭаацәа;
9. Иҭахаз ихымҧадатәиу арратә маҵзурааруаа рҭаацәа;
10. Зыҧсҭазаара иалҵхьоу Аҧсны Аџьынџьтәылатәи еибашьра аинвалидцәа рҭаацәа;
11. Зыҧсҭазаара иалҵхьоу Аҧсны Арбџьармчқәа аинвалидцәа-арезервистцәа  рҭаацәа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа