Ажәабжьқәа

Популярное

Рауль Ҳаџьымба Ҟабарда-Балкариеи Адыгеиеи даҭаауеит

105
06.09.2017 17:28
  Рауль Ҳаџьымба Ҟабарда-Балкариеи Адыгеиеи даҭаауеит
Аҭаара аҳәаақәа ирҭагӡаны Аҧсны Ахадеи Ҟабарда-Балкариатәи Арепублика Ахадеи Адыгеиа Ахада инапынҵақәа аамҭала иназыгӡои рыҧылара азҧхьагәаҭоуп. 

Аҟәа. Цәыббрамза 6. Аҧсныпресс. Цәыббрамза 7 инаркны 10- нӡа Аҧсны Ахада Рауль Ҳаџьымба Ҟабарда-Балкариеи Адыгеиеи даҭаауеит. Абри атәы аанацҳауеит Аҳәынҭқарра Ахада ипресс-маҵзура.  

Цәыббрамза 8 рзы Ҟабарда-Балкариатәи Ареспублика Ахада иааҧхьарала Аҧсны Ахада Рауль Ҳаџьымба Ҟабарда-Балкариатәи Ареспублика аҳәынҭқарратәра Амш иазку аныҳәатә усмҩаҧгатәқәа ихы алаирхәуеит.  

Аҭаара аҳәаақәа ирҭагӡаны Рауль Ҳаџьымбеи Иури Кокови реиҧылара мҩаҧысраны иҟоуп. 

Цәыббрамза 10  рзы Ареспублика Адыгеиа Ахада аамҭала инапынҵақәа назыгӡо Мураҭ Кумпилов иҟаиҵаз ааҧхьарала Аҧсны Ахада Рауль Ҳаџьымба Ареспублика Адыгеиа Ахада инаугурациа иадҳәаланы имҩаҧгахо аусмҩаҧгатә ихы алаирхәраны дыҟоуп. 

Аҭаара аҳәаақәа ирҭагӡаны Рауль Ҳаџьымбеи Мураҭ  Кумпилови реиҧылара мҩаҧыраны иҟоуп.  


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа