Ажәабжьқәа

Ҭҟәарчал араион автобус ҿыцқәа азоужьхеит

188
30.07.2019 16:54
Ҭҟәарчал араион автобус ҿыцқәа азоужьхеит
Аҧсны Аҳәынҭқарра Ахада Ҭҟәарчал араион ахь аусуратә ҭаара мҩаҧигеит.

Аҟәа. Ҧхынгәымза 30. Аҧсныпресс. Дамеи Касланӡиа. Ҭҟәарчал ақалақь аҿы Аҧсны асоциал-економикатә ҿиара ацхыраара иазку Аинвестициатә Программа ахарџь ала иаахәаз автобус ҿыцқәа фба азоужьра мҩаҧысит. Аусмҩаҧгатә Аҧсны Аҳәынҭқарра Ахада Ҭҟәарчал араион ахь иусуратә ҭаара аҳәаақәа ирҭагӡаны имҩаҧысит.

Ҭҟәарчал араион ахада Аида Чачхалиа адырра ҟалҵеит: “Араион автобус ҿыцқәа фба азоужьхеит, урҭ рахьынтә ҩба – ашколтә втобусқәоуп, акы – ҳара ақалақь аҿы иаанҳажьуеит, егьи – Агәыбедиатәи абжьаратәи ашкол иаҳҭоит. Ҳара ақалақьбжьаратәи атранспорт азы апроблема ахьҳамоу инамаданы, иаанхаз ҧшь-втобуск ақалақьбжьаратәи аимадара иазаҳкуеит. Иара убас, хыхьтәи азона, Џьантыхә аҳаблаҟынтә амаршрут ыҟоуп, ахәыҷқәа уаантәи ашкол ахь аара иахьӡомызт, уажәшьҭарнахыс ари апроблема ӡбахоит ҳәа сгәы иаанагоит. Арҭ автобусқәа рыда аҭагылазаашьа акыр иуадаҩын, ажәытә втобусқәа лассы-лассы иҧхасҭахон. Уажәы, зегьы ҭышәынтәалахоит ҳәа сгәы иаанагоит. Даҽа ҩ-втобуск раиура ҳазыҧшуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа