Ажәабжьқәа
08.08.2018 22:46 118

Ҭҟәарчал араион аҿы амармалташь пты массала адәқәа рықәлара аарҧшӡам

969
04.06.2018 14:47
Ҭҟәарчал араион аҿы амармалташь пты массала адәқәа рықәлара аарҧшӡам
Ҭҟәарчал араион аҿы амармалташь пты аҿагылара иадҳәалоу аусурақәа ирыцҵоуп.

Аҟәа. Рашәарамза 4. Аҧсныпресс. Мадина Чагәааҧҳа. Ҭҟәарчал араион ахада Аида Чачхалиаҧҳа Аҧсныпресс акорреспондент диҿцәажәо,Ҭҟәарчал араион аҿы ақыҭанхамҩа иаҧырхагоу ахәаҷамаҷа хкы аҿагылара иадҳәалоу аусурақәа рымҩаҧысшьа атәы еиҭалҳәеит.

Аида Чачхалиаҧҳа иҟалҵаз адыррақәа рыла, қыҭацыҧхьаӡа хҧа-хҧа бригада еиҿкаауп. Урҭ ишҳамырку ахимиатә маҭәашьарқәа рыла еиқәыршәоуп. “Иҳаҩсыз амчыбжь азы ақыҭанхамҩа Аминистрра араион иазоунажьит 1000 литра рҟынӡа ахимиатә маҭәашьари 15 цыра ақәҭәагақәеи. Уи зегьы араион ақыҭақәа рахь идәықәҵахеит”, – ҳәа еиҭалҳәеит лара.

Убас ишыҟоугьы, Аида Чачхалиа ишазгәалҭаз ала, аҭагылазаашьа шыуадаҩыц иаанхоит: “Ақыҭақәа Бедиеи (ҧыхьатәи Санарда) Речхәыи наламҵаӡакәа уахәаҧшуазар, араион аҿы амармалташь пты массала адәқәа рықәлара аарҧшӡам. Иарбоу ақыҭақәа рҿы акәзар, аинтенсивла ахәышәтәра шымҩаҧгазгьы, амармалташь пты ахыҧхьаӡара аизҳара ишаҿыц иаҿуп. Бедиа ақыҭа иаҵанакуа 10 қыҭанхамҩак рҿы ашәырҵлақәеи ауҭраҭыхи маҷымкәа аҧхасҭа ҕәҕәа роуит".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа